قصيدة بو نجمه وهلال

تعلى بونجمه وهــــــلال
الخير انهـــــال
علينا والباقى مــــــازال



تعلــى بونجمــه وبقـــــــوه
زاد اضوه
وبـــدم الشهيـــد تــروى

شلتـــه بين ضلوعى جــوه
فيــه دلال
وحـــــن اول مره ينطال

على جسمى بالحيل تلـوى
وفوقى مال
خطر خطرلى لاستقلال

انسيت معمر شره او سوه
شى خيال
ومنظر خــلا دمعى سال

تعلـــى بونجمـــــه لافـــوق
ودار بروق
خبر خـلا معمر محروق

تقول شمس وفى وان شروق قلب لاحوال
ولم الشمــل وزاد وصال

علينا تمــــا ديمـــا ايتــــوق
ابكل اشكال
الوانه لبســــوهـــن لعيال

تعلى بونجمـــه او تعلـى
نين اجلى
كـــــابوس القذافــى وضله

اللـــى بينـــا تمــا يسلى
جاب اغوال
عرب من مالى ومالصومال

ومالطابور الخامس شله
شينك حال
هجـــــم ناوى يهزم لابطال

ايريد ايكمــل شعبه كله
اعناده طال
انســى بنغازى فيها رجال

وانسى مصراته ماتنزله
.ولاتنــــذال
عضيمه ماتعـــــرف محال

اللى ماعنده دين اومله
انشالله فال
دمــار او تكسير او زلزال



تعلى بونجمه وفــــرحنا
جاء ريحنا
من طاغى واجـــــد جرحنا

سبحــان المولى اسمحنا
وشلنا احبال
الماضـــى اللى كاين بطــال

وكل كتاب خضر طيحنا
وكــــلا زال
اللـى يذكــــرنا بالحثــال

وصفحة لاستقلال فتحنا
وراق البــال
ضـــربنا ف العالـــم لامثال

ماشالله عليك وصح السانك وتقبلي مروووري

مشكور اخي ابن درنة على هذا الابداع

منور ابن درنة وصح لسانك.. تحياتي

تسلم ع الكلمات الرائعة
تقبل مروري

جميل جدا مشكور