خود غايتك يا جارحني

خود غايتك يا جارحني




خوذ غايتك ياجرح في تعذيبي ** لانعاندك لانجيب يوم طبيبي

لوكان تنزف عمري كله مانكش اقسىمى من فراق حبيبي



خوذ غايتك تعبني

ولا ادير كيف الي رحل سيبني

زيد في عذابي ولوعتي عذبني

ولا انريد نسمع في الغرام سريبي



خوذ غايتك بكفايه ..

ولا تحن ولا تهون عليا دايا

مانريد نبرا نا نريد شقايا

صابر علي مدعاي هذا عيبي



خوذ غايتك نستاهل ..

قلبي انجرح بالحب ماهو ساهل

ونا السبب ياجرح ماني جاهل

وعارف عذابي يزيد في تعذيبي



خوذ غايتك سهرني ..

مانريد منك شي ولا تعبرني

واخذ علي دمع الندم قاهرني

ومن قبل واخذ في العذاب نصيبي



خوذ غايتك ما يسدك

علي راحتك لانعالجك لا نردك



خوذ غايتك ما تداعي

وخليك قاسي الود ماله داعي

وانزف علي طول المدى بوجاعي

خوذ غايتك مادام غاب حبيبي!