همة شهيد

همة شهيد
طلقته كيف العزم لقيته ** يمشي للجبهة خليته
نوارة حوشي ثاريته
عند رحيله قال ادعيلي
خلك راضي ما تلويلي
ناماشي كيفي كي جيلي
زمان الذل خلاص انسيته
***
ندا وطني يابوي انلبي
راية محفورة في قلبي
هي موته وحده من ربي
عمري للجهاد هدية
***
عقيدة ديني في الجهاد
طالب من رب العباد
انال العزة واستشهاد
مع الثوار قرار خذيته
***
ارخصلي ياحاج وبارك
ودي في الجهاد نشارك
دون الوطن الحر يعارك
يكافح من يبي حريته
***
يانك نلت اللي اتمنا
من غير جميل ولا امنا
الله يجعل مثواك الجنة
تراب الوطن بدم رويته


ـــــــــــــــــــــــــــــــــــــــ
فرقة الاحرار

بارك الله فيك اخي الكريم مجهود رائع

هذي هي همة شباب ليبيا ربي يحفظهم

مشكور اخي الكريم علي الكلمات الرائعة

مشكور كلمات حساسه جدا وربي يعطيك العافيه لانك نقلتهلن لمنتدنا الغالي

ربي يحفظهم ويحميهم وعاااااااااااااااااااااات ليبيا حره وصح السانك تحياتي:بنتك ياليبيا