كيكة الشوكولاته
المقادير:-
كوب سكر كوب زيت كوب حليب كوب دقيق 3 ملاعق كبيرة كاكاو ملعقة صغيرة فانيليا سائلة ظرف بكنج بودر 4 بيضات
الطريقة:-
اول حاجة تاخدو السكر+الزيت+الحليب+الكاكاو وتحطيهم علي النار لين تختر وبعد ما تختر تاخدي منها كوب وتخليه علي الجنب للزينة والباقي برديه في الثلاجة وبعد مايبرد تخفقي البيض والفانيليا وتصبيه عليه وتضيفيله الدقيق والبيكنج بودر وتخلطيها وتصبيها في الطاجين وحطيها في الفرن طبعا وكوب الشوكولاته اللي خليتيه علي جنب حطي معاه شوكولاته اي نوع للنكهة بس نوتيلا او جالكسي او شوكولاتة اللوح متع الحلويات وبعد مااطيب الكيكة طلعيها وخوذي العود متع الكباب اسياخ الخشب ونقبي بيها الكيكة كلها علي مسافات متباعدة وصبي عليها الشوكولاتة بالشوية وامسحي عليها بملعقة بحيث تتعبى الثقوب وزينيها باللوز او جوز هند او اي شي تحبي تزيني بيه وبعدين برديها
وبالهناء والشفاء
مع تحياتي :-بنية بنغازي
الرئيسية 
أحدث الصور 
التسجيل 
دخول 
12/11/11, 10:28 pm
