مصراتة لالا ماتهون

مصراتة لالا ماتهون
حني درنا في البداية مظاهرات سلمية
نبو كمشة هالحثالة يتحملوا المسئولية
لأن صارن مشاكل غير عادية
في جميع أنواع الوساطة والمحسوبية
جابوا في الجزيرة خبر عاجل
مظاهرة كبيرة ضد الجاهل
طول دبابات راجمات طيارات
كل يوم يضرب في 3 4 غارات
ضربوا جميع أماكن مصراتة
الكتايب ماخلت مكان إلا قصفاته
طمينة كرزاز والتقنية الطبية
الغيران زاوية المحجوب و الدافنية
في شارع طرابلس خشوا لكل عمارة
لكن كانوا يخافوا لما تجي الطيارة
نظفوها ولادها أحفاد المجاهدين
من الكلية الجوية إلى عمارة التأمين

مصراته راهي لالا ماتهون
مصراته راهي هيا اللي جابت سعدون
المقاوبة هي أول ماحركتها
إنتفاضتنا هي اللي أحيتها
ضرب ب14 ونص
راس القذافي يبي القص
القذافي الواطي الجبان
دمر جميع أنحاء الزنتان
بعت ليهم كمشة جرذان
قتلوا الشيوخ والأطفال والنسوان
طبرق والبيضاء ودرنة وبنغازي
كلهم أهلي وكلهم أعزازي
بعت ليهم ذوي القبعات الصفراء
لكن صارت لهم حالت الإقصاء
وجبل نفوسة الجبل الأشم
وقف ضد الظلم وحارب الهم
ومنطقة سوق الجمعة ومنطقة جنزور
تي من الأخير والله نسور
يا قذافي صبرك صبرك
في تاجوراء نحفروا قبرك
و التريس إلي قالوا قرجي حرة
يا قذافي أطلع برة
في الزاوية الغربية تريس أحرار
اللي قالوا لمعمر روح يا حمار
شكالون اليهودي الحقير
يوم في الأيام يدمر تدمير
قبرك يا مهلوس ما فيش أكيد
لأن مستواك هو حرق بالتأكيد
معمر أكثر واحد مطلوب للعدالة
هو وعائلتة ومعاهم هالخوانة
ولادنا رجال يقابلوا النار بصدورهم
ومعمر وأولاده لابدين في قبورهم
جبان.. ماعاش يطلع حتي في الشاشة
هو ومعاه كمشة هالحشاشة
مسكين عاقل بين أربع حيطان
معانا ربي.و معاك الشيطان
القتل والتعذيب للقذافي عنوان
لكن الشعب الليبي وقف وقال حان الأوان
حان الأوان لإقصاء الجبان
بيش إنعيشوا فحرية ونعيشوا فأمان
إلي تصدوا لكتايبه والله فرسان
حاربوا بقوة جميع الجرذان
هما تراسة يواجهوا في الميدان
والقذافي شكله خايف من الجردان
هاديما هما أحفاد رمضان
أقوياء طول الزمان
من بنغازي للزنتان
حول سرت كلهم شجعان

مشكووووووور ولدنا تحفة الموضوع

امنور امنور

الموضوع باردودكم احلى

منور يا ولد مزيد من الابداع

يعطيك العافية واصل تميزك

مشكور حبوب مميز