موش كل هاللى تريدها تكسبها
****
موش كل هاللى تريدها تكسبها.....
ولا كل ضحكه وادك صاحبها
****
موش كل هاللى اتريدها توصلها..
.ولا كل سمحت لون زين عملها
امواج البحر لو اتعد ما اتكملها...
والشمس ما تزرق مع مغربها
ومحروق من جوا اللى قايها...
نار الغلا خزرة العين حطبها
****
موش كل هاللى اتريدها واتريدك...
ايواتن قساميها وتبقى فيدك
مرات يا صاحب الدهر ايكيدك...
والعين ديما تحت من حاجبها
دور عاللي تنفعك واتفيدك.......
والنفس وين اتعف ماتغصبها
****
موش كل هاللى اتريدها تاجدها...
وبرمة فلك الايام مااتعاندها
بكره ثماير غرستك تحصدها.....
القاسمه للحى ما ايهلبها
اتجى بالسوا كيف مالله رايدها...
وموش كيف ظنك وين ماتاجدها
****
موش كل هاللي اتريدها وتبيها..
تجيك كان ما تسعالها واتجيها
أللي ساهله مرات توحل فيها.....
والصاعبه تسهل يزول تعبها
واللي اتعدها مالناس لوم عليها....
وحاجه اتقلل القدر ماتطلبها
****
موش كل هاللى اتريدها اتلايمها....
وعلة الغاوى الغاويه تفهمها
وفى الريق حنظل مر تستطعمها.....
تمويحة اللى خاطرك راغبها
والعين عالمعاصي كان ما تعصمها....
تضلك ضلال كبير ماتغلبها
****
موش كل هاللى تريدها تكسبها..
ولا كل ضحكه وادك صاحبها