غناوي علم وشتاوه امغير ادخل وشوووف

السلام عليكم
جبتلكم مجموعة من غناوي والشتوات قولولي جن رايكم ويلي عندا يقول


خان غلاي وقسمي لطه** ***خنجر بين اضلوعي حطه

ياجياب نبا فرقاهم** **ياريتك عديت معاهم


يا جياب نبا الغوالي** : **ياريتك ما قلت الوالي


هداهدود الي خبرها *** **جاب نبا العزيز قهرها

نا والعين شقانا زايد *** *ترقيع البايد بل البايد

الحوش الي قالو ما انجيه** **ما اندير اعويله الافيه


الخاطر طول الليل ايجض ****وهلنا يحسابوه مرض

الخاطر من قلة دبار*******يكبر في نار على نار

صباره عيني ما اسمحها----حتى كان عزيز جرحها

نهونى عقالي مابيت-----بروحي عا النار اداعيت

عينى سالت يوم خطاهم---- وانعميت ساعة فرقاهم

عزيز بعد ما دار خطاه----توازت بدري نا واياه

عندى عين اشكا ما تشكي ----لكن وين اترايف تبكي

من خونه لولاف او جاي----انخلط في نومى با ابكاي

ياعيني عا الدار حلفتي---لكن جروك وخالفتي

عندي في لوهام دسايس----كيف انجيهن نقعد حايس

وين انقول خلاص ارتحنا *** يخطر زول اللى جارحنا

زولك خطر ناس اقدم **** زها ما لنا غير بهم

كان على صوبى لايمتى *** ماعندى حاجة غير انت

كان خطر ماني قايل لك---ابكى نين اتفشي غلك

فوق ارموش العين مكانك -----بيدك خفيته ميزانك

الي ما قاس النار ايقول----امغير اصبر شده وتزول

سيل الياس خذاناسرقه----لا غيم لا شكع برقه

مشكور اخي الكريم على هذا المجهود الرائع

مشكور اخي الكريم

مليون جديد ايجيني .. ما صوب قديم اينسيني

بشواش مادير جديد..مرات قديمين يقسمو

ماضر قديم الا روحا..كان شقا ابغيري مربوحه

ايامي عدن نا وقديم..ادايم وجه الله الكريم

انموت اوهو فالعقل *** قديم الغلا ما ينتسا

ننساه قديم وينساني ...يطري فيها غير لساني

خليهم يموتوا غيض.......داويت داي قولوا للقدم.

الشامت ابكاي اوجعه * * * نهض امعاي يدعي عالقدم

اللي وجعتني يا القديم .. جفيت و قاصر ع التسليم

افرح يحساب قديم انموت ..... ..... جديد نشلنى من التابوت

حتى لو ادير جديد .. يبقى قديم وسواس شاغلك

صعيبه ننسى ناس اقدم .. غلاهم متخلط بالدم

خليت ياقـــــــــــــــــــــــــــــــــــديم العقل .. مقسوم بين ياسك والرجا

1.منام عالغنى سلمــــت ــــــــــــــ اوعيت ليمنة فى ليسرة
2.النوم فى اغياب عزيزــــــــــــــــ خطا كبير ياعين دايرة
3.العين راضية ابمنـــام ــــــــــــــ تنضر عزيز فيه اوتنعمى
4.ايجن اوقات طيب اوطرح ــــــــ وايجن اوقات غاليها عدو
5.فكو ضمايدة عالحول ـــــــــــــــ لقيو الجرح كى يوم ربطتا
6.متقاوى نزيف الجرح ــــــــــــــ اعقد ضمايدة نين بددن
7.طبيب للطبيب ايقول ـــــــــــــــــايموت بينا راك تلمسا
8.سفينت غلاى اجنحت ــــــــــــــ مالبخت وين مرساها اقرب
9.مركب غلاى فى ديموم ـــــــــ اغرق غراق ياريتا جنح
10.مفروع يارحيل غلاى ـــــــــــ خبارة خطا فيك سايرة
11.هوايك رقد يالاك ـــــــــــــــــ ابطل بطال ياعين سيبك
12.لاقانى قديم افرحت ــــــــــــ هلب على مااتقول حقنى
13.طبيبا ايداوى فيه ـــــــــــــــ القى امرضا مالا امعالجة
14.طبيب خاطرى مالياس ـــــــ صفق ايديه عدا اوسيبا
15.مستوهة نهار خطاك ــــــــــ الناس نين قالو ابعزمه
16.لمباكر بكيت عليه ـــــــــــــ شديد عزم فى يوم الخطا

شكرا لمرووووووووووووركم

وشكرا ليبيا حرة عل مجهود نورتو الموضوع

لـو كــان بدمعــة ينجـــابوا .... مــا راهــم غيـــابي غـــــابو
حتي كان اقدم فضيولــــــــــي .... ماني كيف زمان بطولـــــــي
بات الراى على نسوتهم ........ عيت قديمين وسيرتهم
فالدار ماهناك مكان ..... ..... صبت عليه عينى وما بكت
خلاهن افراق عزيز انظارى قزازين يشغلن
امرار شربته فوق امرار افراق عزيز وخلو الدا
مشكور ع الموضع

بالفعل اخي الكريم مجموعة طيبة جزاك الله خيرا