بعض قصائد الشاعر الليبي ـ فرج محمد بالحمد

ماعلينا فداك … خطاك صار سامحتك … احملت بلاك
وجعني ولكن ماعلي نفداك

موجعه ووجيعه…ودمعه على دمعه على تدميعه
صعب عليك شراه ساهل بيعه …الخاطر اللي منك جفاك جفاك
وين ما تهينع في شتاك ربيعه …جا قيضوارياح الخريف وراك
اروي بدمع لا ميعاد لاتوديعه …جرى الياس من ياسك ومن فرقاك
اختام الحكايه فاجعه مريعه…الفراق اريح من بكاي حذاك
ما علينا فداك خطاك صار سامحتك احملت بلاك
وجعني ولكن ماعلي نفداك
وما علينا صارت …لوعة خطاك مع دباير حارت ..
.إهتزت معا بد صبر فيا إنهارت
تهاوت تهاوى حلم عاش معاك …في ايدك وفي ضلك ايام توارت
عاشن ايامي في إنتظار رجالك …وكان الكفا منك اتقول أختارت
الاقسام تحرمنا ربيع غلاك
منك ومي من حد فينا جارت سواياك يا القاسي وسامحناك

آسف جداً



آسف جداً ... على ليل وسهر وأشواق ما ينعدن
آسف جداً ... على رحلة سفر فيها الخطاوى ردن
آسف أنى عديت ... فى درب الغلا وراك

وآسف أنى وفيت ... فى كل عهد معاك

آسف أنى راجيت ... لا تعبت لا مليت
آسف انى ناجيتك ...وبأجمل حروف كتبتك

وآسف أنى راجيتك ... وآسف أنى عاتبتك
وآسف أنى مديت لك... يدى برغم اجروحى
وآسف أنى صبيت لك ... ضد الزمان ابروحى
وآسف أنى حنيت لك فى غيبتك..
مــا أرضيت لك سية ولا توجيعة..

مــا أرضيت يــوم خـديعــة..
لا هان حبك لا أقدرت انبيعة
كل الاسف متأسف ... على عمر راح حسايف
حتى الربيع تحّسف .. على ورد فى إيدك صايف
آسف أنى كنت لك روح ونفس ... ليل أو ونس
وذراعى وسادة اتجيك ...لو لحظة جفنك نعس

آسف على كل الحنين ... وآه وأنين

ودمعات عين ... واحلام ضاعت اسنين

ومن نبضهن لعروق ... ومن كل لحظة شوق

ومن ود مابا إيهزك ... ومن قلب كان إيعزك
خوذ الآسف بعداد نجمات السما .. خوذ الآسف بعداد ما

ع الوطا

من نبت وشجر ... من طير وحجر ... بعداد رخات المطر
ياريت غير ايسدك
آسف جداً ... على ليل وسهر وأشواق ما ينعدن

خلا خلاني




خلا خلانى .. زولك تهايا فى ذرا نسيانى .. اخلى بى على خلوة .. خلا خلانى

ونا جافيك .. نحساب روحى لى زمان عليك ... لحظة اسهى النسيان جاء طاريك
ذكرى تهايا شوق لك نادانى ... انسيت نسيانى تحايا بيك .. جمرى ونارى وانتفض بركانى
والقيت روحى ترتحل واتجيك ... بموعد عيونك تنتظر ترجانى .. ترحل رواحلها وتوصل فيك
ترجع مراسيها على عنوانى .. تلقى خلا دمعة غلا ترويك ... احكاية ومعنى من عديد معانى
خلا خلانى .. زولك تهايا فى ذرا نسيانى .. اخلى بى على خلوة .. خلا خلانى

خلا من جدة ... اخلى بى على خلوة خلا بموده ... سلمت امرى تحت ظيم وشده ..
أمهيات وثنك فى خفي ايمانى ... وحسيت روحى تعتذر وتعده .. اخطورك ونا ناسى معاك زمانى
وتخشع وتسمع والجواب اترده ... بالصمت والدمعة رجاء احتوانى .. ساعة اخطورك فى خيال ابوده
ساعة زها تروى جدب وجدانى ... لاحيل لا قدره وموش معدة ... نرحل معاك وعودتى تنسانى
خلا خلانى .. زولك تهايا فى ذرا نسيانى .. اخلى بى على خلوة .. خلا خلانى
خلا من حيرة .. خلا من خلا خلوة خلاك بغيرة .. اخلى بى على خلوة جبد لى سيرة
سحبنى معاة وفالخيال خذانى .. زولك تهايا فى حديث وغِيــرة
على حين غــرة جا بنى او ودانى .. حكيات شتى لحظات قصيرة
كانت عمر فى عمرى احيانى .. انكان العشق فى الد نيا جريرة
شايل ذنب جرحى فى احزانى .. كون الشوق رابطنى بمصيرة
نا المشتاق واخطورك كــفانى
خلا خلانى .. زولك تهايا فى ذرا نسيانى .. اخلى بى على خلوة .. خلا خلانى
خلا من خلوة .. خلا من خلا موحك وخلو الجلوة ..
اخلى بى على نسيان صبر او سلوى .. خذانى وخلى دمعتى
وبكا نى
وحسيت روحى تغتنى مالغلوة .. واضح دليلك والخطور عانانى
وان كان لخطورك وقوع البلوة .. وانكان لغيابك سبب بكانى
اموالف مع طيرك جناح وعلوة .. ونرحل مع اخطورك بكل كيانى
ونقدر اندير الصبر مرة وحلوة .. ونعرف انوارى فى ذرا كتمانى
خلا خلانى .. زولك تهايا فى ذرا نسيانى .. اخلى بى على خلوة ..

خلا خلانى

كادنى نسيانك





كادنى نسيانك حتى وانت جافى
خاطرى ما هانك .. مازلت تخطر
كادني انزابيك


واللي كادني النسيان بي اوبيك
ساعة انقول انسيت لمس ايديك
نلقى سلامي في ورود اجنانك
ونلقى العقل اللي زما ن أ وغويك
مازال غاوي في زمان زمانك
وما زال عندي دمع كي نطريك
ينهال من توقةابروق امزانك
ومازال عندي جرح لو يوفيك
ما يريد غير الود لي واحسانك

مازلت بين اعيوني

مازلت في شدة لهب مكنوني

مازلت بين الشك بين اظنوني

امرايف عليك وفاقدين حنانك

مازلت روقات الدموع او عوني

ومازلتنقرا في علل ديوانك

ومازلت ليلي طويل داخل كوني

وما زلت ما ندفا بلانير انك

كادنى نسيا نك حتى وانت جافى

خاطرى ما هانك .. مازلت تخطر




مش عيب لافيها زعل



موش عيب لافيها زعل .. ماتجيبكمش أقسامنا
مامن رحيل عنا رحل ... رحلة وداع أيامنا
أرحل سماح ... أجعل طريقك زينه
سامحت في اللي راح ...أانسى زها ليالينا
وصبح وندى جياتنا ... أملاقاتنا وغيا تنا
موا ل فى عمر الخيال ... تزهر جفا قدامنا
مش عيب لافيها زعل .. ماتجيبكمش أقسامنا
مش عيب لما تفارق ... وترحل أمواجك عن شطوط رفيقك
العيب ما يبقى ضميرك بارق ... يلمح عواجك.... ينهى إيعنك عن ظلال طريقك
وأما الفراق أفداك ... مامن هوى فارقنا
مش عيب لافيها زعل .. ماتجيبكمش أقسامنا
بيك الحياة وبلاك .. مانكاللى خالقنا
ولا بالله مانا الباديين ... أبصوب أو عيب وأرضينا الخطا
نحنا وين.... كنا وين ... يحتار الغريب..يآجد جود واخذ ع العطا
وكنت الغريب اللافى ... ونا كنت لك طيب الملاذ الدافى
ماغاب عنك ود .. ولا كيفك أغليلى حد
ولو أنسيت ماشورك عد د ... حلم أنطفا فى أحلامنا
يا عمر صعب إيرد .. فيك أنكتب حرمانا
مش عيب لافيها زعل .. ماتجيبكمش أقسامنا
مش عيب لماتفارقوا وتوادعوا ... وتباعدوا عنا مطارحكم
العيب كي تسارقوا .. وأتخادعوا .. وأترّحلوا منا جوا رحكم
وديما الربيع إيعود .. وترجع أجدابا خصب
وراه كل شئ مكتوب .. ولا يجى غلا بالغصب
حادن على با ب السداد ... أخطا عشقكم قبل الرحيل
نادن على طيف البعاد ... أرحال دفقكم دارن دليل
شلتوا الرحيل وغبتوا ... خذتكم مسارب ضاله وأذهبتوا
ودعتكم بينى وبينى ... سامحتكم فى دمع عيني
طفيت نار حنيني ... وأنسيت كل أوهامنا
كى الحلم حلمى إيجينى ... ما أتقول صار غرامنا


زعلان مني





زعلان مني ... نحسابك الاسامحت
خيبت ظني قلبك علي مليــا ن
واضـح انـك زعـــلان
وتريد عـذر ساهـل النسيــان
طريق الجفا ساهل علّي هـــــا ن
وسهلت عليك تهون وتهوني
نحسابك الا سامحت ف اللي كـان
سبحان كيف قدرت ع التجنى
وقدرت تنسى في زمان زمـــــان
وقدرت تبقى بالجفا متهني
وقدرت تلقى صبر ع الهجــــران
لا عاد تنشد لايهمك كني
نحسابك الأ سامحــت
نحسابك الا حسيت اني انجرحـت
غلبني ابكاي وبالدموع شرحـت
وبكيت بين يديك غصباً عنـي
خسرني زمانك والعذاب اربحت
وزولك اني ننساك مامكنـي
من حسبة ايام العمر ليش طرحت
الذكرى الدمعه الحلم والتمـني
وقدرت تقسى اقسيت ما سامت
احضانك ملاهن صبر مااحضنني
نحسابـك علي صـبرت
وقبلت اعتذاري وين مااعتـذرت
بالمغفره ذنبي شملت غفـت
بعفوك مسحت دموع ماخلنّـي
نصبر بلاك وجيتك وخرت
طال انتظاري نسيتني نسّينــي
زولك وذكريات ما اصورت
ضباب نسيانك حجبهن عنـي
حسيت اني ما عليك خطرت
متعمد انك تاخذ زمانك منـى
فداك لو ما ارضيت
وفداك لو لا لمت لا عديـت
نحاول اني ننساك كي ما انسيت
وننسى محاسن فيك عمرخذني


وننسى انك بالعيب في بد يـــت

ونعد اني مامشيت وجيــت


وياما ذرفت دموع نين عمنـي

ليالي غيا بك طولن وبطيت

وجيتك ونا مشتا ق لك متمنـــي

رديت منك ... دمعتي كفيـت

عنك بعد كفيت روحك عنـي

وما نجدًا



وما نجدًا .. ان جافا اللي جافا جفاني عدًا .. حتى لو كملت ادموع .. مانجدًا
نعرف روحي .. من الياس متماضي سريب جروحي
امقصر على طولة مرامي نوحي .. قصرت قريب اكرام خليت يده
عندي تجارب في بكاي ونحي ..وبيني وبين الياس فيهموده
واللي تهدني في الصوب قلة بوحي ..واللي يواسيني ابكا من جده
واللي ميوحه شورميح ميوحي .. نجعل نجوم الكون خدا من خدًا
واللي بلاي ايطيب يحمل موحي .. غابوا وين ما من غصن صاف وندًا
وما نجدًا .. ان جافا اللي جافا جفاني عدًا.. حتى لو كملت ادموع .. ما نجدًا
ونعرف العشق الصافي .. ونعشق وما نعرف انهون اولافي
ونعرف انكون حنون طيب دافي .. ونفيض ود مع اللي بدالي وده
ونعرف انكون مع الجافي جافي .. وانزيد في قسوة الشدة شدة
وديما ملاذ دفا للي لافي .. وديما انعد اللوم واللي يعده
ونرحل مع النجم الدليل الطافي .. ونرجع مع دمعه خفت من مدة
ولا هدب عيني فيه يبقى خافي .. هذي الحياه .. دمعي الحياه ايرده
وما نجدًا .. ان جافا اللي جافا جفاني عدًا .. حتى لو كملت ادموع .. مانجدًا
ولا ننطاع .. العيب والخطا ماني لهن تباع
ونعرف اقداره بوعيون اوساع .. ونعرف رفق الاجواد لين وحده
ونعرف الشوق اللي خفا لواع .. ونحس الدمعه للي اتحدا
ونعرف ايام العمر ما تنباع .. وكل شي يرجع في الختام مرده
لله سبحان البديع ابداع .. ابدع الكون اثنين شي وضده
الجرح خالقله وجع واواجاع .. وخالق الصبر مع اولاه يسده
وما نجدًا .. ان جافا اللي جافا جفاني عدًا .. حتى لو كملت ادموع .. ما نجدًا